Ríkisrekna dagblaðið Tuoi Tre greindi frá því að Michael Nguyen væri einnig sakfelldur fyrir að hvetja fólk til að taka þátt í mótmælum. Mótmælin sem hann á að hafa skipulagt fóru samt aldrei fram.
Tveir víetnamskir menn, Huynh Duc Thanh Binh og Tran Long Phi voru dæmdir í 10 og 8 ára fangelsi á sömu forsendum og Michael. Þeir voru handteknir fyrir nánast ári síðan eftir að hafa verið að ferðast til að safna liði í fleiri mótmæli. Réttarhöldin þeirra fóru fram í gær og stóðu í hálfan dag.
Michael Nguyen er 55 ára gamall og kemur frá Kaliforníu. Fulltrúadeildarþingmaður Kaliforníu, Katie Porter, tjáði sig um málið.
„Ég er mjög vonsvikin með þessa niðurstöðu, mig verkjar í hjartað“
Helen Nguyen, kona Michael, segir að þessi dómur sé eins og högg í andlitið fyrir Bandaríkin.
Michael og Helen eiga fjögur börn saman en Helen sagði að yngstu börnin hefðu grátið og öskrað orðin „Af hverju, af hverju, af hverju?“ þegar þau heyrðu fréttina.