Í þættinum Democracy Now var talað við lagaprófessorinn Warren Binford en hún heimsótti Clint-landamæramiðstöðina, en hún er nálægt borginni El Paso í Texas-fylki, Bandaríkjunum.

Warren lýsir ömurlegum aðstæðum, þá sérstaklega aðstæðum barna, en stöðin er ætluð fullorðnum. Stöðin er einungis ætluð 141 manns en Warren ásamt föruneyti sínu komst að því að þar væru meira en 350 börn, mörg þeirra mjög ung.

Í lýsingu á börnunum segir Warren að þau hafi verið, veik, kvefuð og virkilega skítug. „Börnin voru fljót að lýsa því hversu svakalega svöng þau voru og þau sögðu okkur að þau fengu ekkert nema sömu þrjár máltíðirnar þrisvar á dag,“

Í morgunmat fá krakkarnir pakka-hafragraut, í hádegismat fá þau pakka-súpu og í kvöldmat fá þau frosin burrito sem er gjarnan illa eldaður. Öllum máltíðunum fylgdi Kool-Aid og smákaka, en Warren greinir frá því.

Börnin eru lokuð í klefum í allan sólarhringinn, þar eru oft opin klósett og engin sápa eða aðstaða til að þvo sér um hendur.

Sum barnanna eru látin sofa á köldu steinsteypu-gólfi vegna skorts á rúmum og dýnum. En dýnur voru teknar af sumum barnanna í refsingarskyni þegar eitt þeirra týndi lúsakambi sem þau áttu að deila.

Warren segir að ekki sé neinn vafi á því að mörg barnanna séu í lífshættu og segist viss um að einhver þeirra muni deyja.

Hér að neðan má sjá viðtalið.