Greenville News skýrir frá þessu. Fram kemur að drengurinn hafi skotið sig í höfuðið. Hann var í gæslu hjá afa sínum og ömmu og frænku á meðan foreldrar hans voru í vinnu. Svo virðist sem drengurinn hafi komist í handtösku ömmu sinnar en taskan lá á rúmi. Hann hafi síðan náð að taka byssuna upp úr henni og skjóta einu skoti.
Greenville News hefur eftir afa drengsins að enginn skilji hvernig þetta gat gerst.
„Við erum líklegast meðal þeirra fjölskyldna sem sýna mesta aðgát hvað varðar skotvopn.“
Sagði afinn og bætti við að fjölskyldan hafi ákveðið að bera skammbyssur vegna mikillar glæpatíðni í hverfinu.
„Skammbyssan var í töskunni hennar, hún var lokuð. Maður hefði aldrei trúað að hann væri nægilega snjall til að gera þetta en það var hann.“