Replúblikaninn Duncan Hunter hefur verið kærður fyrir að nota peninga úr framboðssjóði sínum til að fjármagna framhjáhald sitt með lobbíistum og starfsfólki sínu. Frá þessu greinir New York Post.
Duncan hefur verið kvæntur frá árinu 1998 og er búsettur í Kaliforníu, en hann hefur setið í fulltrúadeild Bandaríkjanna frá árinu 2009.
Dómsmálaráðuneytið hefur nú kært hann fyrir að eyða 250.000 Bandaríkjadölum, eða þrjátíu milljónum króna í máltíðir, drykki og allskyns ferðakostnað fyrir konur sem hann er sagður hafa átt samneyti við.
Margaret Jankowski er bæði eiginkona og kosningastjóri Duncans, en talið er að þau hafi átt í fjárhagsörðugleikum og því hafi Duncan gripið í kosningaféð til að viðhalda eyðslusömum lífstíl sínum.
Margaret gerði samning við FBI og hjálpaði þeim að koma upp um Duncan, þar að auki viðurkenndi hún að hafa tekið úr sjóðinum.
Duncan hefur neitað sök í málinu, en hann hefur talað um mikilvægi þess að varðveita gömul fjölskyldugildi.