Edyta Mordel hefur hafið málsókn gegn ensku heilbriðgisþjónustunni, The National Health Servie. Hún krefst bóta uppá 200.000 pund, sem samsavarar tæplega 32 milljónum króna, vegna þess að henni hafði ekki verið sagt frá því að barnið sem hún gekk með árið 2014 væri með Downs heilkenni. DailyMail skýrir frá þessu.
Edyta Mordel heldur því fram að hún hafi óskað eftir því að framkvæmdar væru hinar ýmsu rannsóknir á ófæddu barni hennar, en enginn hefði sagt henni frá því að barnið myndi fæðast með Downs heilkenni.
Hún elskar son sinn, Alexander, sem er fjögurra ára gamall, en hefur sagt við réttarhöldin að hún hefði bundið enda á meðgönguna hefði hún vitað að barnið hefði Downs heilkenni. Málið hefur verið flokkað sem „óréttmæt fæðing“, vegna þess að konan hefðu bundið enda á meðgönguna hefðu hún verið upplýst um staðreyndir málsins.
Þetta er ekki í fyrsta sinn sem National Health Service er lögsótt fyrir að veita foreldrum ekki réttar upplýsingar um væntanleg börn.
Tölur frá árinu 2017 sýna að heilbrigðisþjónustan hafi þurft að greiða um 70 milljónir punda á fimm árum í málum sem vörðuðu „óréttmæta fæðingu“. Í öllum tilvikum er um að ræða mál þar sem foreldrum hefur ekki verið sagt frá því að börn þeirra myndu fæðast með fötlun.
Edyta Mordel frá Reading krefst bóta vegna þess auka kostnaðar sem felst í því að eiga barn með fötlum, og hvaða áhrif það að eiga barn með fötlun hafi á atvinnumöguleika hennar.
Samkvæmt framburði móðurinnar bað hún ljósmóðurina um að athugað yrði um möguleika á Downs heilkenni, um leið og hún komst að því að hún gegni með barn. Þegar hún fór í 12 vikna sónar var hún þess fullviss um að þetta hefði verið athugað.
Michael de Navarro, lögfræðingur National Health Service, heldur því fram að henni hefði verið boðnar hinar ýmsu rannsóknir en að hún hefði afþakkað.
Þessu er móðirin ekki sammála. „Ég vissi frá upphafi að ég vildi láta skanna fyrir Downs heilkenni“ sagði hún við réttarhöldin. Lögfræðingur hennar, Clodagh Bradley, útskýrði fyrir hönd skjólstæðings síns, að parið hefði bundið enda á meðgönguna hefðu þau vitað hvert ástand barnsins var. En parið vissi ekkert og þegar Alexander fæddist var móðirin svekkt og reið yfir því að enginn hafði sagt henni frá því að eitthvað amaði að syni hennar.
Lögfræðingur National Health Service er þó ekki sammála þessari túlkun. Samkvæmt því sem hann segir afþakkaði hún að prófið yrði gert vegna þess að því fylgdi hætta á fósturmissi. „Við höfum undir höndum minnispunkta sem segja að hún hafi afþakkað prófið. Auk þess hlýtur hún að hafa vitað að hún hafi aldrei fengið niðurstöður úr prófi sem hún segir að tekið hafi verið“, sagði hann í réttarsal.
Málinu er enn ekki lokið.
