Magnini hélt Bendetto á floti þar til strandverðir komu til hjálpar. „Ég gerði bara það sem þurfti að gera“, sagði sundkappinn. Andrea Benedetto, sem er 45 ára, hafði giftst unnusta sínum tveimur dögum áður í athöfn í bænum Cagliari.
Vinur hjónanna, sem einnig er blaðamaður BBC varð vitni að atburðinum. Parið flaut um á uppblásnum einhyrningi þegar Benedetto datt í sjóinn, sem var kaldari en hann hafði búist við, og gat hann sig hvergi hrært sökum sjúkdóms.
Vindurinn feykti einhyrningum í burtu og maður Benedetto barðist við að halda manni sínum á floti. Strandverðir heyrðu vini hjónanna kalla á hjálp og flýttu sér af stað. En hinn 37 ára gamli Magnini, var nær og var fljótur að synda til mannsins.
„Maðurinn var í vanda staddur, hann var hræddur, hann gat ekki hreyft sig og hafði gleypt töluvert af sjó“, sagði Magnini. „Þegar ég kom til hans gat hann ekki einu sinni talað“.
Herra Benedetto var fluttur á sjúkrahús, þar sem hann komst fljótlega til meðvitundar. Hann vonast til að geta þakkað Magnini persónulea fyrir björgunina.
Magnini var í boðsundsliði Ítala í 4 sinnum 200 metra skriðsundi á Ólympíuleikunum í Aþenu árið 2004. Hann var einnig heimsmeitari í 100 metra skriðsundi árið 2005 og hélt titlinum árið 2007 þegar hann og kanadíski sundmaðurinn Brent Hayden deildu gullinu.
