Ekki hefur verið meiri hætta á efnahagssamdrætti í Bretlandi í heilan áratug en nú er. Bráð þörf er fyrir tillögur um hvernig á að takast á við næsta efnahagssamdrátt í landinu enda hefur það kostað um milljón störf að meðaltali í hvert sinn sem Bretland hefur gengið í gegnum samdráttarskeið.

Bloomberg skýrir frá þessu og byggir á skýrslu frá bresku hugveitunni Resolution Foundation. Hugveitan telur sig geta sagt að miklar líkur séu á að Bretar muni fljótlega ganga í gegnum mesta samdráttarskeiðið síðan fjármálakreppan skall á 2010. Þetta byggir hún á ávöxtunarkröfu breskra ríkisskuldabréfa.

Auk ríkisskuldabréfanna er það gengi pundsins, óvissan í kringum Brexit og lítill hagvöxtur sem senda neikvæð skilaboð um framtíðina.

Í skýrslu hugveitunnar kemur fram að á hverju samdráttarskeiði fram að þessu hafi um ein milljón starfa glatast og að hvert heimili hafi að meðaltali tapað um 2.500 pundum.