Brittany Zamora, 28 ára kennari í Arizona í Bandaríkjunum, var í síðustu viku dæmd í 20 ára fangelsi fyrir að hafa ítrekað misnotað kynferðislega 13 ára dreng sem var nemandi hennar. Hún kenndi honum í sjötta bekk í Las Brisas Academy í Goodyear.

Brittany var handtekin í mars á síðasta ári og hefur setið í varðhaldi síðan. Hún viðurkenndi sök í síðasta mánuði.

„Ég er góð manneskja sem gerði mistök og ég sé mikið eftir þeim. Ég hef virt lög og farið eftir þeim allt mitt líf. Samfélaginu stafar engin ógn af mér.“

Sagði hún að sögn Fox News.

Hún viðurkenndi sök eftir að mikið magn sönnunargagna var lagt fram, þar á meðal myndbandsupptökur. Samband hennar við drenginn hófst þegar hún bað hann um að senda sér skilaboð í gegnum app sem er notað í skólastarfinu. Drengurinn skýrði frá því við yfirheyrslur að þau hefðu skrifast töluvert á um hvað þau vildu gera við hvort annað.

„Hún sagðist vilja veita mér munnmök og að typpið mitt væri mjög stórt og eitthvað svoleiðis.“

Eitt sinn sagði Brittany jafnframt að vinur drengsins ætti að vera hjá þeim og horfa á þau stunda kynlíf.

Brittany er gift en á engin börn.

Það voru foreldrar drengsins sem komust á snoðir um „sambandið“ en þau var farið að gruna að hann ætti unnustu.