Netrisinn Google viðurkenndi nýlega að fyrirtækið taki samtöl fólks upp og deili þeim með samstarfsaðilum sínum. Um er að ræða upptökur af samtölum fólks við Google Assistant sem er raddstýrt forrit sem fólk notar til ýmissa hluta heima hjá sér.

The Wall Street Journal skýrir frá þessu í kjölfar fréttar belgíska miðilsins VRT NWS. Fram kemur að móðurfélag Google, Alphabet, sé með fólk í vinnu við að hlusta á sum þessara samtala en þau fara fram í Android-símum og öðrum búnaði frá Google.

Fram kemur að á upptökunum séu hugsanlega viðkvæmar persónuupplýsingar og að Google hafi í sumum tilfellum tekið raddir fólks upp þrátt fyrir að það hafi ekki verið að nota Google Assistant.

Google staðfesti í bloggi á fimmtudaginn að hlustað væri á hluta samtala viðskiptavina eða 0,2% þeirra. Segir fyrirtækið að þeir sem hlusti séu tungumálasérfræðingar sem noti upptökurnar til að öðlast betri skilning á tungumálum, hreimi og framburði. Þetta sé mikilvægur þáttur í þróun tungumálatækni og nauðsynlegt sé að búa til búnað á borð við Google Assistant