American Airlines, stærsta flugfélag heims, hefur aflýst öllum flugum með Boeing 737 Max vélum fram í nóvember. Að meðaltali er um 115 aflýst flug að ræða á dag á þessum tíma.
Í tilkynningu frá flugfélaginu segir að félagið sé sannfært um að hugbúnaðaruppfærsla og þjálfun flugmanna muni verða til þess að hægt verði að taka vélarnar í notkun síðar á árinu.
Flugfélagið er með 24 Max 737 vélar í þjónustu sinni.