Undir tyrknesku milljónaborginni Istanbúl mætast tveir jarðflekar. Þeir eru í járngreipum hvors annars eins og er en líklegt má teljast að dag einn muni þeir sleppa takinu og jarðskjálfti verða og það öflugur. Þetta óttast vísindamenn og telja líklegt að mikið manntjón verði.

1766 varð jarðskjálfti upp á 7,5 í Istanbúl. Hús hrundu til grunna, hafnarmannvirki eyðilögðust og mörg þúsund manns misstu lífið. Samkvæmt umfjöllun Science Daily óttast vísindamenn nú að ekki sé langt í næsta stóra skjálfta á þessum flekaskilum.

Fram að þessu hefur verið erfitt að mæla hreyfingar flekanna því hefðbundin mælikerfi á borð við GPS ná ekki niður á það dýpi sem plöturnar eru á. En nú hefur vísindamönnum við Helmholtz Centre for Ocean Research í Kiel í Þýskalandi tekist að mæla spennuna með nýrri aðferð. 10 mælitækjum var komið fyrir á 800 metra dýpi báðu megin við flekaskilinn.

Á síðustu tveimur og hálfu ári hafa mælarnir gert rúmlega 650.000 nákvæmar mælingar til að fylgjast með hreyfingum neðanjarðar. Niðurstaðan er að flekarnir séu í járngreipum og pikkfastir. Þetta þýðir að spenna byggist upp en það getur á endanum leitt til jarðskjálfta.

Vísindamenn telja líklegt að skjálfti á þessum flekamótum verði á bilinu 7,1 til 7,4.