Alan Duncan, ráðherra Evrópmála í ríkisstjórn Theresu May, sagði af sér í morgun. Hann bætist í hóp þeirra íhaldsmanna sem hyggjast hætta þegar Boris Johnson tekur við sem leiðtogi breska íhaldsflokksins, sem gæti orðið strax á morgun. Það er ekki lengra síðan en í gær að Philip Hammond, fjármálaráðherra Bretlands tilkynnti að hann myndi segja af sér ef Johnson sigraði í leiðtogakjörinu.

Alan Duncan hefur verið mjög gagnrýninn á Boris Johnson og sagt hann vera einn allsherjar brandara. Þá geti hann ekki hugsað sér að vera í ríkisstjórn sem hafi það yfirlýsta markamið að yfirgefa Evrópusambandið í lok október, hvort sem samningar um útgöngu nást fyrir þann tíma eða ekki. Duncan gagnrýndi Johnson líka harðlega fyrir að styðja ekki breska sendiherrann í Bandaríkjunum, sem neyddist til að segja af sér fyrir stuttu vegna yfirlýsinga um Donald Trump í minnisblaði sem lak út til fjölmiðla.

Talið er líklegt að fleiri breskir ráðherrar segi af sér í dag eða næstu daga, en talið er öruggt að Boris Johnson sigri í leiðtogakjöri íhaldsmanna.