Times of India skýrir frá þessu.
„Þetta er grunsamlegt og hefur orðið til þess að við beinum sjónum okkar nú að fóstureyðingum á stúlkufóstrum. Þetta gæti verið tilviljun því við höfum engar sannanir um eyðingu á stúlkufóstrum. Við getum ekki tekið neina áhættu í þessu.“
Er haft eftir Ashish Chauhaun héraðsstjóra.
Hann lagði einnig áherslu á að ef upp kemst að einhver hafi eytt stúlkufóstrum verði málum fylgt eftir í dómskerfinu.
Frá því á sjötta áratugnum hefur kynjahallinn á Indlandi aukist mikið en nú er talið að það séu 63 milljónum færri konur í landinu en karlar. Frá 1994 hefur verið bannað að eyða stúlkufóstrum á grunni fósturgreininga en allt bendir til að það sé samt sem áður gert.