Talið er að lík Noru Quiorin, fimmtán ára breskrar stúlku sem hvarf á afskekktum stað í Malasíu fyrir tíu dögum, sé fundið.
Leitarhópur fann lík ungrar stúlku í skóginum í morgun en talið er að það sé af Noru þó það hafi ekki verið staðfest. Nora, sem var með þroskaskerðingu, var í sumarleyfi með fjölskyldu sinni á afskekktu náttúruverndarsvæði í Malasíu.
Þann 4. ágúst tilkynntu foreldrar hennar um hvarf hennar. Hún var ekki inni í herberginu sínu eins og þeir töldu og var glugginn í herberginu opinn. Foreldrar hennar töldu útilokað að hún hefði farið sjálfviljug og töldu að einhver hefði numið hana á brott.
Rannsókn lögreglu stendur yfir en enn sem komið er hefur enginn verið handtekinn.