Í auglýsingu skrifaði fyrirtækið að leitað væri að „saklausri og sætri stúlku“ og „að augnlitur og hárlitur skipti ekki máli en stúlkan mætti ekki vera rauðhærð“. Fram kom að leitað væri að stúlku sem væri ekki enn komin á kynþroskaaldurinn og væri „mjög falleg“. Einnig kom skýrt fram að ekki kæmi til greina að ráða stúlku í yfirþyngd í hlutverkið þar sem um súkkulaðiauglýsingu væri að ræða.
Skoski leikarinn og skemmtikrafturinn Helen Raw sá auglýsinguna og var hún ekki lengi að deila henni á Twitter og gagnrýna. Í kjölfarið hafa fleiri þekktir einstaklingar gagnrýnt kröfurnar sem settar eru fram.
Just look at this casting wording for a 9-11 YEAR OLD!! pic.twitter.com/HcQeOhz0eZ
— Helen Raw (@helenraw) August 8, 2019
„Hugsaðu þér að vera barn og fá ekki hlutverkið. Þú ert bara ekki nógu sæt og nú skaltu fara. Þú getur bara glímt við lélegt sjálfsálit það sem eftir er.“
Skrifaði einn notandi á Twitter. Margir foreldrar hafa lýst því yfir að þeir muni aldrei senda börn sín í prufur ef auglýsingarnar eru svona.
Spotlight UK brást við umræðunni með því að senda frá sér fréttatilkynningu. Þar segir að einn starfsmaður fyrirtækisins hafi birt auglýsingu sem upp fyllir ekki kröfur fyrirtækisins. Það sé algjörlega óásættanlegt að slíkt gerist og að fyrirtækið hefði aldrei samþykkt þetta.
Talsmenn Milka hafa einnig tjáð sig um málið og sagt að fyrirtækið sé ekki sátt við auglýsinguna.
