Lögreglyfirvöld í Texas hafa biðlað til almennings um aðstoð við að hafa upp á konu sem stundar nokkuð óvenjulega glæpi. Konan, sem sést á meðfylgjandi mynd, er grunuð um að stunda það að mæta óboðin í brúðkaupsveislur og stela gjöfum brúðhjónanna.

Svo virðist vera sem um vandlega skipulagðan þjófnað sé að ræða því hún mætir snyrtilega klædd, gefur sig á tal við aðra gesti í brúðkaupunum en lætur svo til skarar skríða þegar gestir setjast til borðs.

Konan er sögð stunda það að stela aðallega umslögum, en í þeim er oft að finna gjafakort eða peningagjafir. Að því er Scott Frakes, rannsóknarlögreglumaður sem fer með rannsókn málsins hjá lögreglunni í Comal-sýslu, segir er konan grunuð um að hafa mætt óboðin í minnst sex brúðkaupsveislur síðan í nóvember síðastliðnum.

Lögregla hefur hvatt fólk til að vera á varðbergi vegna konunnar.