Þrítug kona frá Kanada má teljast stálheppin að vera á lífi eftir að skelfilegt slys um liðna helgi. Konan var í fallhlífarstökki en svo óheppilega vildi til að fallhlífin hennar opnaðist ekki.
Fallið sem um ræðir var um fimmtán hundruð metrar. Eðli málsins samkvæmt slasaðist konan töluvert þegar hún skall til jarðar en þrátt fyrir það eru meiðsli hennar ekki lífshættuleg.
„Ég á erfitt með að skilja hvernig manneskja getur lifað af svona fall,“ segir Denis Demers í samtali við CBC. Hann varð vitni að atvikinu sem átti sér stað í Quebec á laugardagskvöld.
Konan lenti í skóglendi og eru tré talin hafa dregið nokkuð úr hraða hennar áður en hún skall til jarðar. Þrátt fyrir hlaut hún fjölmörg beinbrot, þar á meðal hryggbrot.
Ekki liggur fyrir hvað fór úrskeiðis en hvorki aðalfallhlíf né varafallhlíf konunnar opnuðust. Lögregla er með málið til rannsóknar.
