Nýlega var lögreglumaður í Humboldt sýslu í Kaliforníu í Bandaríkjunum á leið í útkall og ók forgangsakstur. En skyndilega gerðist það ótrúlega að björn datt niður úr hlíð við hlið vegarins og lenti á lögreglubílnum. Lögreglubíllinn valt við þetta og eldur kviknaði í honum.

Lögreglan skýrði frá þessu á Facebooksíðu sinni. Lögreglumaðurinn komst af sjálfsdáðum út úr lögreglubílnum og björninn flúði af vettvangi og virtist ekki mikið meiddur.

En þar með er sögunni ekki lokið því eldurinn í lögreglubílnum breiddist út í nærliggjandi gróður og skógareldur braust út. Hálfur hektari lands brann áður en tókst að ráða niðurlögum eldsins.

Í Facebookfærslu sinni minnir lögreglan vegfarendur á að vera á varðbergi þegar ferðast er um því birnir, elgir og hjartardýr séu bara nokkur þeirra dýra sem búi einnig á svæðinu.