Í nýrri skýrslu frá Blackrock fjárfestingarfyrirtækinu, sem er stærsta fjárfestingarfyrirtæki heims, kemur fram að í næstu efnahagskreppu þurfi seðlabankar og ríkisstjórnir að samhæfa viðbrögð sín. Þörf sé á nýjum aðferðum og að seðlabankarnir eigi að senda peninga beint til neytenda og þetta eigi að gera í samstarfi við stjórnvöld.

Blackrock sér um fjárfestingar upp á um 6 billjarða dollara og er stærsta fjárfestir heims. Í skýrslu fyrirtækisins kemur fram að þörf verði á áður óþekktum aðgerðum til að bregðast við næstu efnahagskreppu. Núverandi peningastefna sé komin að endalokum þar sem stýrivextir séu um núll eða jafnvel neikvæðir.

Næst þurfi að ganga beint til verks og koma peningum beint í hendurnar á neytendum. Það er þó tekið skýrt fram að það þurfi að gera þetta eftir skýru regluverki svo verðbólgan fari ekki úr böndunum.