Svo virðist sem sjónvarpsferill Michelle Beadle hjá ESPN sé á enda. Þar hefur hún verið meðal stjórnenda þáttarins NBA Countdown sem er gríðarlega vinsæll í Bandaríkjunum.  Fyrir aðeins ári síðar var hún látin hætta í þættinum Get Up! hjá sömu sjónvarpsstöð.

New York Post skýrir frá þessu. Fram kemur að árslaun hennar séu sem nemur um 650 milljónum íslenskra króna en samt sem áður hefur sjónvarpsstöðin ekki þörf fyrir krafta hennar þessa dagana og fær hún því launin sín án þess að gera nokkuð. Hún á eitt eða tvö ár eftir af samningi sínum en það hefur ekki verið gert opinbert hvort er rétt. En hvort sem það eru eitt eða tvö ár þá er ljóst að hún fær launin sín út samningstímann.