Sjúklingur á rúmensku geðsjúkrahúsi varð fimm öðrum sjúklingum að bana á sunnudaginn þegar hann gekk berserksgang. Hann sló um sig með statífi fyrir vökva. Auk þeirra fimm sem létust slösuðust margir sjúklingar.

Þetta átti sér stað í Sapoca í norðausturhluta landsins. Þrír létust á vettvangi en tveir á sjúkrahúsi. Viorica Mihalascu, forstjóri sjúkrahússins, segir að allt hafi þetta tekið innan við mínútu en þá náðu starfsmenn að yfirbuga manninn.

Hún segir að sjúkdómseinkenni mannsins hafi ekki bent til að neitt í veru við þetta gæti gerst.

Heilbrigðisráðuneyti landsins segir að verið sé að rannsaka hvort starfsfólk hafi brugðist skyldum sínum.