Í Facebookfærslu lýsti Shaketha McGregor því hvernig hún hefði fengið börnin sín til að taka þátt í heimilisstörfunum.
„Börnin mín eru sífellt að biðja um nýja síma eða vasapeninga svo þau geti gert hitt og þetta. Í gær sagði ég þeim að ég hefði hlustað á óskir þeirra og að þeirra biði svolítið óvænt þegar þau kæmu heim úr skóla í dag. Þetta óvænta er að þau verða að sækja um störf hérna heima til að fá peninga. Ef þú vilt eitthvað verður þú að vinna fyrir því.“
Skrifaði hún meðal annars. Færslan vakti mikil viðbrögð og hefur verið deilt oft og fengið mörg hundruð þúsund viðbrögð.
Til að fá peninga geta börnin valið úr þremur störfum. Í einu þeirra felst að vera stjórnandi eldhússins, í öðru er það stjórnun á þrifum og í því þriðja er það stjórnun á fataþvotti fjölskyldunnar sem viðkomandi þarf að sinna.
Allir þátttakendurnir verða að fylla út eyðublað sem móðir þeirra útbjó. Á því verða þeir að gera grein fyrir fyrri starfsreynslu, hvort þeir vilji vinna á kvöldin og um helgar og hvað þeim finnst sanngjart að fá í laun.