Sænski húsgagnarisinn IKEA ætlar sér stóra hluti í framtíðinni og ætlar nú að leggja mikið fjármagn í þróun tæknivæddra framtíðarheimila.

Þráðlaus stýrikerfi, lampar með innbyggðum hátölurum og perur með gervigreind eru aðeins byrjunin á því sem koma skal hjá fyrirtækinu.

The Verge skýrir frá þessu. Fram kemur að í fréttatilkynningu frá IKEA komi fram að fyrirtækið hyggist fjárfesta mikið í snjalllausnum fyrir heimili og muni koma með vörur sem henti vel á snjallheimili framtíðarinnar.

Þetta er að sögn stærsta fjárfesting IKEA síðan fyrirtækið setti barnahúsgögn á markaðinn.