Geimferðastofnun Bandaríkjanna, NASA, rannsakar um þessar mundir ásakanir í garð geimfara sem er talinn hafa framið glæp út í geimi. Fréttaveitan New York Times greindi fyrst frá þessu en málið snýr að geimfaranum Anne McClain vegna óheimillar notkunar bankareiknings á meðan hún var stödd í Alþjóðageimstöðinni.
McClain, sem á starfsvettvangi sínum hefur hlotið gælunafnið „Annimal“, er sögð hafa skoðað bankareikning fyrrverandi eiginkonu sinnar í óleyfi úr tölvu sem var í eigu Gemferðarstofnunarinnar. Þegar Summer Worden, fyrrverandi maki McClain, komst upp um flettinguna var hún allt annað en sátt. Nú hefur ríkisráð viðskiptamála Bandaríkjanna verið kallað til þess að rannsaka málið.
Geimfarinn hefur játað sök sína en neitar að hafa gert eitthvað rangt samkvæmt lögfræðingi hennar. Að hennar sögn vildi hún einfaldlega fylgjast með fjármálum fyrrverandi eiginkonu sinnar til að vera fullviss um að til væri nægur peningur fyrir son þeirra. Þær McClain og Worden skildu á síðasta ári eftir að McClain ásakaði maka sinn um ofbeldi, en Worden er annars vegar lífmóðir drengsins. Þrátt fyrir erfiðan skilnað vill McClain meina að þær mæðurnar eigi gott samband og hafi ekkert athugavert verið við það að kíkja á bankareikning hennar fyrrverandi.
Ekki er vitað til þess að glæpur hafi áður verið framinn utan lofthjúps jarðar.