Niðurstöður nýrrar rannsóknar sýna að hægt er  að losna við svitalykt í handarkrikum með því að nota efni sem heitir sínkoxíð. Efnið er venjulega notað í margar hversdagsvörur eins og plast, gúmmí og sólarvörn.

Khaled Ghatian, sem stýrði rannsókninni, segir að sínoxíð hafi þau áhrif á frumur bakteríunnar að grunnstoðir þeirra eyðileggist. Þetta virki ekki á allar bakteríur en virki á þær sem eiga oft sök á lykt í handarkrikum.

Sínkoxíð er hvítt duft og eins og fyrr segir er það notað í ýmsar hversdags vörur en nú er ljóst að það virkar einnig gegn svitalykt.

30 þátttakendur í rannsókninni smurðu sínkoxíði í annan handarkrikann daglega í 13 daga og lyfleysu í hinn í sama tíma. Reynsla flestra var að lyktin og vöxtur baktería var mun minni í þeim handarkrika sem sínkoxíð var borið á.

Vísindamenn vonast til að niðurstöðurnar komi að gagni við þróun svitalyktareyða eða krema sem innihalda sínkoxíð.