Systurnar Ísold og Æsa voru öflugar í veiðinni um helgina útá Mýrar og voru ákveðnar í að fara ekki fisklausar heim úr veiðitúrnum. Það gekk upp hjá þeim systrum, þar sem að Ísold fékk sinn fyrsta fisk í ferðinni og var mjög stolt og ánægð með urriðann sem reyndist vera um fjögur pund.

Æsa fékk sinn fyrsta fisk á sama aldri og reynsla hennar kom að góðum notum við að hjálpa litlu systur við löndunina. Fiskurinn tók maðk og náðist í Hítarvatni í ágætu veðri, nánast logn en skýjað

Spenningurinn var svo mikill að Ísold átti erfitt með að sofna kvöldið áður og mikill veiðihugur var komin í hana. Hún rifjaði upp fyrri veiðiferðir og var mikið að spá í hvaða agn væri best að nota og nefndi alla kosti sem að henni datt í hug og það var augljóst að veiðieðlið var alsráðandi við skipulagninguna á veiðiferðinni.

Það var eins og að hún væri búin að ákveða það í huganum að nú skyldi maríufiskurinn koma á land. Við höfðum að vísu rætt það í vetur að nú væri komið að henni að fá sinn fyrsta fisk, þar sem að hún væri orðin sjö ára og yngst í hópnum.Veiðibakterían hefur náð tökum á henni og nú er ekki aftur snúið.

Mynd: Æsa Sigurbjörg og Ísold Katla Ýr með fyrsta fiskinn Mynd Hrönn Thorarensen.