,,Þetta var risafiskur sem sleit hjá mér á Nessvæðinu í Laxá í Aðaldal,“ sagði Ari Hermóður Jafetsson framkvæmdastjóri Stangaveiðifélag Reykjavíkur en hann setti i verulega vænn lax, sem sleit hjá honum tauminn eftir 10 mínútu baráttu.
Ari hefur veitt í Laxá í Aðaldal í 25 ár og stærsti laxinn hjá honum á land er 105 sentimetra og 25 punda.
,,Þetta var fiskur kringum 30 pund, það er á hreinu. Hann tók svakalega vel í,“ sagði Ari um stórlaxinn sem kvaddi eftir stutta baráttu. Þeir eru til stórir laxar á Nessvæðinu og þeirra tími er að detta alveg á næstunni.
Mynd. Ari Hermóður Jafetsson með restina af taumunum eftir stórlaxinn kvaddi hann á Nessvæðinu í Laxá í Aðaldal.