,,Ég var að veiða maríulaxinn í Norðurá í Borgarfirði fyrir fáum dögum og fiskurinn lét hafa fyrir sér,“ sagði Helgi Hjörvar en hann veiddi laxinn í Hafþórsstaðahyl á fluguna Haug númer 18.
,,Laxinn lét hafa fyrir sér og einu sinni hélt ég að ég hefði misst hann. Það tók samt ekki langan tíma af landa laxinum og þessi fluga Haugurinn gerði gæfumuninn. En þessi veiðistaður sem ég veiddi fiskinn er í túnfætinum á sveitaheimili fjölskyldunnar, bærinn Hafþórsstaðir,“ sagði Helgi hress með maríulaxinn sinn.
Norðurá er kominn rétt yfir 1700 laxa, svipað og veiddist í ánni í fyrra. Veiðin er að ljúka í ánni þessa dagana.
Mynd. Helgi Hjörvar með maríulaxinn sinn úr Norðurá í Borgarfirði.