,,Ég fékk nokkra fiska en mér finnst gaman að veiða,“ sagði Axelander Óðinn en hann lenti í hörku veiði með afa sinunum ofarlega í Hvolsá fyrir skömmu og veiddi veiðimaðurinn ungi helling af silungi og lax.
,,Ég fór að æfa mig nokkrum dögum áður. Mér finnst veiði skemmtileg og gaman að veiða,“ sagði Axelander ennfremur með alla fiskana sína.
Veiðin hefur verið góð í Hvolsá og Staðarhólsá og komnir um 280 laxar og hellingur af góðri bleiku.
,,Sumaið hefur verið gott hjá okkur og fiskurinn skilað sér vel,“ sagði Þórarinn Birgir Þórarinsson formaður veiðifélagsins í Hvítadal.
Mynd. Axelander Óðinn með flotta veiði bæði lax og silunga.