,,Ég var að skjóta mínar fyrstu rjúpur og þetta var virkilega gaman,“ sagði Hlynur Skúli en það hafa nokkrir veiðimenn verið að veiða sínar fyrstu rjúpur núna á þessari rjúpnavertíð eins og Hlynur.
,,Ég var fyrir norðan og við fengum 6 rjúpur,“ sagði Hlynur Skúli ennfremur, hress með fenginn og léttir að ná fyrstu rjúpunum.
Við fréttum af veiðimönnum kringum Akureyri, þrír sem voru komnir með 18 rjúpur. En á Holtavörðuheiði var rólegt, mjög rólegt og það virðist vera lítið af fugli á föstudaginn.
,,Við löbbuðum nokkuð stórt svæði og mest í hólum, það var lítið af sjá,“ sögðu tveir veiðimenn sem við hittum á heiðinni og þetta virtist eiga við fleiri þarna á svæðinu. Menn voru hættir snemma enda veðurútlið ekki gott í dag, flestir höfðu varann á.
Mynd. Hlynur Skúli með sínar fyrstu rjúpur.