,,Við vonum að sem flestir mæti og njóti kvöldsins með okkur. Þetta verður flott opið hús og margt skemmtilegt í boði,“ sagði Hörður Heiðar Guðbjörnsson í skemmtinefnd Stangaveiðifélags Reykjavíkur er við spurðum um opið hús hjá félaginu sem verður á föstudaginn 8. Mars að Lágmúla 4. Húsið opnar klukkan 20 en dagskráin hefst með formlegum hætti klukkan 20.20
Dagskráin:
• Kynning á afmælisári SVFR – árshátíð félagsins 18. maí 2019
• Kynning á fluguveiðisýningunni sem verður þann 14. mars.
• Kynning á veiðisvæðum Laugardalsá – taka 2
• Kynning á vatni innan Veiðikortsins. Kemur í ljós síðar hvað verður fyrir valinu.
• Happahylurinn – stútfullur af flottum vinningum.
Félagið vonast eftir að sjá sem flesta og gleðjast saman yfir því að það styttist verulega í fyrsta daginn í veiðinni.