,,Ég er búinn að fá einn fisk,“ sagði Jón Ingi Sveinsson sem opnaði Varmá við Hveragerði snemma í morgun. Þarna var hann ásamt fleirum vöskum veiðimönnum í frekar köldu veðurfari en lækurinn er hlýr og það bjargar miklu.
Halldór Gunnarsson og fleiri voru í læknum líka. Veðurfarið var blautt og kalt. ,,Við erum á leiðinni í Mýrakvísl, snjór er yfir öllu en við ætlum að reyna,“ sagði Matthías Þór Hákonarson á leiðinni í Kvíslina snemma í morgun.
,,Það er fínt að byrja um hádegi,“ sagði Stefán Sigurðsson á leiðinni í Leirá í Leirársveit.
Það hefur snjóað en veiðimenn klæða sig bara vel en fyrstu fiskarnir eru komnir á land og það er fyrir mestu fyrir veiðimenn. Menn klæða bara af sér kuldann.
Mynd. Jón Ingi Sveinsson með einn af fyrstu fisknum úr Varmá í morgun við kaldar aðstæður.