,,Veiðin byrjaði bara vel hjá okkur í Brunná Í Öxarfirði. Við fengum 18 fiska á tvær stangir og stærsti fiskurinn var 84 cm,“ sagði Matthías Þór Hákonarson er við heyrðum í honum i gærkveldi eftir flotta veiði.
,,Það var aðeins snjókoma í gærmorgun og svo fínt veður, bjart, svona í kringum frostmarkið en hvessti er leið á daginn. Við fengum alla fiskana á straumflugur,“ sagði Matthías sem byrjar veiðitímann með stæl.
Mynd. Boltafiskur úr Brunná í gærdag fyrsta veiðidaginn.