Ný sería af Sporðaköstum fór í loftið á Stöð tvö í gærkveldi og var þátturinn vel heppnaður. Farið var á veiðislóðir í Miðfirði og landað mörgum flottum löxum.

,,Já, þetta gekk í Miðfirðinum,“  sagði Eggert Skúlason er við heyrðum í honum  í gær og hvað skyldi vera í næsta þætti

,,Við fórum inn í Hafralóni í Þistilfirði og þar fórum við á vit hins óþekkta að leita af ránbleikju. En þar getur hún verið ansi stór. Þetta er einn afskekktasti veiðistaður landsins og falin paradís. Það var Baldur Guðmundsson, blaðamaður, sem fór með okkur Steingrími Jóni að veiða bleikjuna,“ sagði Eggert ennfremur.

Sem sagt veislan er rétt að byrja og verður enginn svikinn af fegurðinni og fisknum.

Mynd. Baldur Guðmundsson blaðamaður að veiða bleikju í næsta þætti.   Mynd ES