,,Já, við vorum að veiða í Geirlandsá og það gekk feiknavel,“ sagði Dídí Carlsson er við heyrðum eftir veiðitúrinn í Geirlandsá. Veiðin hefur verið fín þar í vor þrátt fyrir flóð í nokkra daga. Einhver hundruð af fiskum hefur veiðst í ánni.
,,Á fyrstu vaktinni fengum við og veiðifélaginn minn 24 fiska við brúna og fyrir neðan garðinn. Við lentum í því að það kom minkur og stal af okkur fisk. Það virðist bara vera töluvert af fiski þarna og veiðin gengur vel. Hollið veiddi alls 63 fiska hjá okkur þessa daga sem er flott veiði,“sagði Dídí Carlsson.
Veiðin hefur gengið vel fyrir austan eins og Tungufljóti, Tungulæk og Vatnamótunum. Flottir fiskar og góð veiði.