,,Ég var bara rétt að byrja að veiða hérna við Elliðaárnar,“ sagði Birgir Hauksson er við hittum hann við árnar í gærdag. Ágæt veiði hefur verið á urriða síðan veiðin byrjaði fyrir skömmu.
,,Vorið er ekki komið fyrr en maður kemst í urriðann hérna,“ sagði Birgir og hélt áfram að kasta flugunni fimlega. Fiskurinn var þarna, bara spurning um að fá hann til að taka réttu fluguna.
Með Birgi voru þeir Ásmundur og Gunnar Helgasynir.
Mynd. Birgir Hauksson við Elliðaárnar í gær. Mynd María Gunnarsdóttir.
