Það styttist í að vötnin opni eins og Vífilsstaðavatn en þar var á ís í dag eins og í Elliðavatni. Ein og ein vök kominn á vatnið og ísinn alls ekki þykkur, eiginlega mjög þunnur.
,,Ég ætla að byrja um leið og 1.apríl kemur, það er öruggt,“ sagði veiðimaður sem var að skoða aðstæður við Vífilsstaðavatnið í dag. Hann sagði í stuttu spjalli við Veiðipressuna fínt að æfa sig hér fyrir veiðitímabilið.
Ein og ein önd var á veiðum við vatnið en hún er alltaf með veiðileyfi og náði sér í síli í læknum sem rennur úr vatninu. Tveggja punda urriði lét sig fátt um finnast þótt styttist óðfluga í að veiðin hefjist. Hans tími var alls ekki kominn. Ég lét mig hverfa.
Mynd. Það styttist í veiðitímabilið. Veiðiáhugamaður tekur hér æfingaköst á Vífilsstaðavatni.