Hann er enginn smásmíði urriðinn sem hann Miroslav Sapina veiddi í Kleifarvatni fyrir þremur dögum en sagt er frá þessu á síðunni hjá Veiðikortinu. Urriðinn var 18 pund og veiddist á 28 gramma toby og tók víst þokkalega vel í hjá veiðimanninum.
Þetta er einn af þeim stærri sem hefur komið á land í Kleifarvatni sem geymir bæði urriða og bleikjur vel væna. Það er ekki vitlaust að ná sér í Veiðikortið og skella sér í Kleifarvatn og renna fyrir fiska. Stærðin getur komið verulega á óvart.
Mynd. Veiðimaðurinn Miroslav með bolta urriðann úr Kleifarvatni. Fiskurinn er enginn smásmíði.