,,Við fórum í Hólaá,  ég og Vilborg Halla Jónsdóttir dóttir mín, en þessi veiðitúr er árviss viðburður hjá okkur. Fiskurinn hjá henni var 4 pund,“ sagði Jón Ingi Sveinsson í samtali við Veiðipressuna en margir fóru að veiða víða um land og fengu í soðið.

,,Í ár var kalt og þetta var eini fiskurinn sem við urðum var við en við reyndum í nokkra tíma,“ sagði Jón Ingi ennfremur. Nokkru ofar í Hólaá var Atli Valur Arason og hann veiddi 3 flotta urrriða, tveggja til þriggja punda fiska.

,,Það eru komnir yfir 100 fiskar í Vatnamótunum og við fengum 15 fiska,“ sagði Selma  Björk Ísabella Gunnarsdóttir en hún var við veiðar í Vatnamótunum  og veiðin gekk í kulda trekk.

Fyrstu fiskarnir eru komnir á land í Mýrarkvísl en þar veiddust flottir urriðar um helgina.

Mynd. Vilborg Halla Jónsdóttir með flottan fisk úr Hólaá.