Það styttist í að laxveiðin byrji fyrir alvöru. Ekki eru nema rétt 20 dagar þangað til Norðurá í Borgarfirði og Blanda opna. Aðeins færri dagar í opnun í  Þjórsá. Labbitúr með Norðurá í Borgarfirði bleytir ekki á manni fæturna þessa dagana. Vatnið hefur minnkað  þar eins og í fleiri laxveiðiám. Forðinn eftir veturinn er ekki uppá marga fiska.

Norðurá er í fallegu vatni þessa dagana en það er bara maí ennþá. Einn og einn fugl  endar flugið við árbakkann en þeir blotna varla.

En laxinn er á leiðinni upp Hvíta þessa dagana, það er deginum ljósara. Einn og einn veiðimaður rennir fyrir fisk á Seleyri við Borgarfjörð og vonar  að hann setji í alvöru fisk. En fiskurinn er tregur ennþá.

Veiðimenn bíða spenntir eftir að veiðitíminn byrji fyrir alvöru en maður er hugsi og veit ekki hvað skal segja.

Mynd. Fallegt við Norðurá í Borgarfirði um helgina. Mynd María Gunnarsdóttir.