Laxinn er ekki kominn í Elliðaárnar, hann var allavega ekki sýnilegur í gærkveldi. Samt var stórstraumur í fyrradag. Það var sama hvað Breiðan og Fossinn voru skoðaðir laxinn sást hvergi.
Einn og einn silungur vakti rétt fyrir neðan Breiðuna en þeir voru ekki stórir. Þeir voru miklu minni en laxarnir sem voru væntanlegir á næstu klukkutímum.
Það er yfirleitt á þessum tíma árs sem fyrstu laxarnir mæta en veiðin byrjar í Elliðaánum 20.júní svo tíminn er nægur ennþá. Laxarnir eru að skríða uppí árnar þessa dagana einn af öðrum. Það er spenna í loftinu þessa dagana.
Mynd. Kíkt eftir löxum í Fossinum í gærkveldi en ekki var mikil hreyfing af fiski. Mynd María Gunnarsdóttir.
