Það góða við veiðina er að allir geta veitt, sama nánast hvað þeir eru gamlir.
,,Það er enginn fiskur á,“ sagði Árni Rúnar Einarsson sem verður þriggja ára seinna á þessu ári, en hann renndi fyrir fiska á Pollinum á Akureyri með aðstoð fjölskyldunnar fyrir fáum dögum. En fiskurinn var eitthvað tregur hjá unga veiðimanninum sem vildi veiða áfram þó fiskurinn tæki ekki hjá honum alveg strax.
En flott veiði hefur verið við Pollinn á Akureyri, ufsi og bleikja hafa verið að bíta á hjá veiðimönnum á öllum aldri og það góða við þetta er að allir geta veitt. Fiskurinn tekur sinn bara tíma, svoleiðis er bara veiðin. Og þó hann taki ekki hjá manni núna tekur hann seinna, nógur er tíminn.
Mynd. Árni Rúnar að renna fyrir fisk fyrir fáum dögum. Mynd María Gunnarsdóttir.