,,Ég var að veiða maríulaxinn minn áðan, 59 sentmetra fisk, þetta var gaman og ofsalega spennandi,“ sagði Georg Ólafsson við Elliðaárnar í gærmorgun en barna og unglingadagur var við ána í gær og allavega 8 laxar komu fyrir hádegi á land, sem er flott veiði.
,,Ég var með laxinn á í smástund og mér finnst veiði rosalega skemmtileg,“ sagði Georg við veiðihúsið við Elliðaárnar þar sem ungir veiðimenn streymdu að með fiskana sína sem fengust.
Smári Steinn veiddi einnig flottan lax í Fossinum og hann sagðist hafa veitt þar áður þrjá laxa. ,,Mér finnst gaman að veiða,“ sagði Smári Steinn ennfremur.
Grillið beið ungu veiðimanna sem höfðu staðið sig verulega vel að veiða laxinn og urriðann í Elliðaánum. Þeirra tími mun koma.
Mynd. Georg Ólafsson með maríulaxinn úr Elliðaánum. Mynd G.Bender