Það er hræðilegt að sjá sumar veiðiárnar þessa dagana, þær eru að þorna upp eftir tveggja mánaða þurrk. Og það eru engar rigningar í kortunum, sem lengi sem spár ná.
,,Það er alltaf verið að segja að það sé að fara að rigna, það er bara bull,“ sagði veiðimaður sem var að vestan úr Dölum þar sem ástandið er allt annað en gott.
,,Við fengum einn fisk í ósnum, lax, annað var það ekki,“ sagði veiðimaðurinn og sagðist sem betur fer ekki eiga veiði fyrr en í september og það væri langt þangað til.
Nei, ástandið er ekkert að lagast laxinn er að vera fyrir súrefnisskorti viða vegna vatnsleysis.
Þegar keyrt var framhjá Norðurá í Borgarfirði blotnuðu rollurnar ekki í fæturna að hoppa yfir ána ofarlega og Gljúfurá líka ættuð úr Borgarfirði er eins og lækur sem er að þorna upp samt hafa veiðst yfir 30 laxar í ánni. Nokkru neðar var Gufuá og hún er líka að þorna upp, staðan er alls ekki góð ekkert regn í kortunum svo langt sem augað eygir. Það er staðan þessa dagana. Við það verðum við að búa núna.
Mynd. Gljúfurá í Borgarfirði er ekki burðug núna eins og staðan er. Mynd María.