Þegar Benedikt Jóhannesson, fyrrum fjármálaráðherra, ætlaði að nota bílinn sinn í hádeginu í gær tók hann eftir að búið var að stela skráningarnúmerunum af honum. Ekki nóg með það því búið var setja önnur númer á bílinn en þau tilheyra bíl sem var stolið. Benedikt skýrði frá þessu á Facebook í gær.

Í morgun birti hann nýja færslu og hrósaði lögreglunni fyrir að leysa málið en lögreglumenn færðu honum réttu bílnúmerin aftur í morgun og eru þau nú kominn á bíl Benedikts.

„Einhverjir héldu að ég hefði búið til þessa sögu vegna þess að ég hefði ekki greitt bifreiðagjöldin og númerin þess vegna klippt af.“

Skrifaði Benedikt og vísar síðan í verkefni lögreglunnar frá því um klukkan tvö í nótt en hér er hægt að lesa nánar um það en það hófst með tilkynningu um að maður með vasaljós væri að skoða hjól við Fífulind í Kópavogi.