Hún hefur verið í framboði fyrir Venstre, bæði til þings og sveitastjórnar, og hyggur á framboð í næstu þingkosningum sem verða í síðasta lagi á næsta ári. En nú gæti verið komið babb í bátinn því forysta Venstre hefur nú stigið fram og virðist ætla að sverja Malakians af sér.
„Það er engin skömm í að segja að maður hafi stundað kynlíf með mörgum. Ég hvet mína eigin kynslóð, sem hefur verið virk kynferðislega, til að skýra frá þessu því ef margir gera það þá verður þetta eðlilegra. Unga fólkið sér þá að maður getur alveg verið með fína vinnu, til dæmis sem stjórnmálamaður, þrátt fyrir að hafa sofið hjá mörgum.“
Sagði hún í samtali við BT í síðustu viku.
En um helgina ræddi Claus Richter, ritari Venstre, við fjölmiðla og sagði að Malakians væri ekki í framboði til þings fyrir Venstre og tali ekki á vegum flokksins. Þegar hann var spurður hvort hann væri að leggja áherslu á þetta þar sem flokkurinn væri ekki ánægður með umræðuna um hina rúmlega 100 rekkjunauta hennar, svaraði hann:
„Hún má vera með þær herferðir sem hún vill. Þetta tengist Venstre bara ekki neitt.“
Malakians segist ekki óttast að hreinskilni hennar muni koma í veg fyrir að draumar hennar um pólitískan frama nái fram að ganga.
„Ég hef áður verið í framboði og eitt af því sem ég hef sagt, þegar fólk hefur spurt, hvort ég væri með einhverjar beinagrindur í skápnum er að þær væri ég ekki með nema það væri vandamál að vera vergjarn.“
Martin Geertsen, talsmaður flokksins í jafnréttismálum, segir að það sé ekkert að ákvörðun Malakian um að segja frá kynlífi sínu og að það eigi ekki að hafa áhrif á feril hennar í stjórnmálum.
